TBD.

नक्षत्रेभ्यः उत्तरस्य जातार्थे प्रत्ययस्य बहुलं लुग् भवति। रोहिणः, रौहिणः। मृगशिराः, मार्गशीर्षः।

TBD.

–

1391 नक्षत्रेभ्यो बहुलं। रोहिण इति। रोहिण्यां जात इत्यर्थः। नक्षत्राऽणो लुकि आदिवृद्धिनिवृत्तौ `लुक्तद्धितलुकी'ति स्त्रीप्रत्ययनिवृत्तिः। नच तथा सति तकारस्य नकारोऽपि निवर्तेतेति वाच्यं, न हि रोहितशब्दोऽयं वर्णविशेषवाचको येन `वर्णादनुदात्ता'दिति ङीपो निवृत्तौ तकारोऽपि निवर्तेत। किंतु रोहिणीशब्दोऽयमब्युत्पन्नो नक्षत्रविशेषे रूढः। `रोहिणी नक्षत्रे' इति गौरादि पाठान्ङीष्। अत एव `रोहिणी नक्षत्रं प्रजापतिर्देवते'त्यादौ अन्तोदात्तत्वं श्रूयमाणं न विरुध्यते। अन्यथा `वर्णानां तणतिनितान्ताना'मित्याद्युत्तत्वं स्यादित्यलम्।

–

TBD.