TBD.

उपसर्या इति निपात्यते काल्या चेत् प्रजने भवति। उपपूर्वात् सर्तेः यत् प्रत्ययः। प्रप्तकाला काल्या। प्रजनः प्रजननं, प्रथमगर्भग्रहणम्। गर्भग्रहणे प्रप्तकाला। उपसर्या गौः। उपसर्या वडवा। काल्या प्रजने इति किम्? उपसार्या शरदि मधुरा।

TBD.

–

673 उपसर्या। प्रजननं प्रजनः = गर्भग्रहणम्। भावे घञ्। `जनिवध्योश्चे'ति वृद्धिनिषेधः। कालः प्राप्तोऽस्याः काल्या। `तदस्य प्राप्त'मित्यनुवर्तमाने `कालाद्य'दिति यत्। चेदित्यध्याहार्यम्। तदाह– गर्भग्रहणे प्राप्तकाला चेदिति। गर्भग्रहणे प्राप्तकाला स्त्रीपशुव्यक्तिर्विवक्षिता चेदुपसर्या इति निपात्यते इत्यर्थः। उपपूर्वात् सृधातोर्यदिति फलितम्। ण्यतोऽपवादः।

559 उपसर्या। उपपूर्वात्सरतेः सर्तेर्वा यन्निपात्यते। कालः प्राप्तोऽस्याः काल्या। `तदस्य प्राप्त'मिति वर्तमाने `कालाद्यत्' इति यत्। प्रजननं प्रजनो = गर्भग्रहणम्। भावे घञ्। `जनिवध्योश्च' इति वृद्धिनिषेधः। उपसार्येति। कर्मणि ण्यत्। कर्तरि यदिति। `तयोरेव' इति भावे प्राप्ते कर्तरि यन्निपात्यत इति भावः।

TBD.