TBD.
अपेत अपोढ मुक्त पतित अपत्रस्त इत्येतैः सह पज्चम्यन्तं समस्यते, तत्पुरुषश्च समासो भवति. अपेत सुखापेतः. अपोढ कल्पनापोढः. मुक्त चक्रमुक्तः. पतित स्वर्गपतितः. अपत्रस्त तरङ्गापत्रस्तः. अल्पशः इति समासस्य अल्पविषयतामाचष्टे. अल्पा पञ्चमी संस्यते, न सर्वा. प्रासादात् पतितः, भोजनादपत्रस्तः इत्येवम् अदौ न भवति. कर्तृकरणे कृता बहुलम् 2-1-32 इत्यस्य एव अयम् प्रपञ्चः.
TBD.
–
691 अपेतापोढ। अल्पशः' इति स्वार्थे शस् अत एव निपातनात्। तदाह–अल्पं पञ्चम्यन्तमिति। `बह्वल्पार्था'दिति शस्तु न भवति, `बह्वल्पार्थान्मङ्गलवचन'मिति वक्ष्यमाणत्वात्।
613 अपेतापोढ। `पञ्चमी'ति वर्तते, प्रत्ययग्रहणात्तदन्तग्रहणम्। `अल्पश'इत्यत्र `बह्वल्पार्थाच्छस्कारका'दिति शस्। यद्यपि `बह्वल्पार्थन्मङ्गलाऽमङ्गलवचन'मिति वक्ष्यति, तथाप्यत एव निपातनाच्छसिति बोध्यम्। कारकत्वं तु समसनक्रियां प्रतित पञ्चम्यन्तस्य कर्मत्वात्तदभिधायित्वाच्चाल्पशब्दस्य। तदेतदाह–अल्पं पञ्चम्यन्तमिति।
TBD.